Жоао Феликс клубдан кетганидан сўнг "Атлетико" футболчилари билан муносабатлари ҳақида гапирди.
Португалиялик ҳужумчи "Барселона"да ижара асосида ўйнайди. Бугун "кўк-анорранглилар" "Атлетико"ни Феликснинг голи эвазига мағлуб этди (1:0).
"Улар мен ҳақимда ҳар ҳафта гапиришади. Мен доимо диққат марказидаман. Мен хотиржамман, бошқаларнинг гапларига эътибор бермайман. Мен яхшироқ футболчи бўлиш устида ишлаяпман. Мени яхши қабул қилган клуб ва жамоадошларимга ёрдамлари учун миннатдорчилик билдираман.
"Атлетико"даги деярли барча собиқ жамоадошларим билан яхши муносабатдаман. Улар менинг улар билан ҳеч қандай муаммом йўқлигини билишади. Мен ҳали Симеоне билан учрашганим йўқ", - деди Феликс.
