2012 йилги Ўзбекистон чемпиони, Тошкентнинг «Пахтакор» клуби БААдаги ўқув-машғулот йиғинлари доирасида учинчи ўртоқлик учрашувини ўтказди.

16 январь куни Мурод Исмоилов шогирдлари БААнинг Ажман шаҳридаги «Шайх Рашид бин Саид» стадионида Россия Премьер-лигаси вакили, Краснодарнинг «Кубань» жамоасига қарши ўртоқлик учрашуви ўтказди. Ўйин 1:0 ҳисобида Россия клуби фойдасига ҳал бўлди. «Кубань» расмий сайти маълумотларига кўра, ўйиндаги ягона гол жамоанинг руминиялик ҳужумчиси Жижел Букур ҳисобига ёзилди.

«Пахтакор» бунгача Қатарнинг «Ал-Жаиш» жамоасига қарши ўртоқлик учрашувида 2:2 ҳисобида дуранг ўйнаган, БААнинг «Дибба Фужайра» жамоасига қарши баҳсда 2:3 ҳисобида имкониятни бой берганди.

Ўртоқлик учрашуви
16 январь, чоршанба
«Кубань» (Россия) – «Пахтакор» (Ўзбекистон) 1:0 (0:0)
Гол: Жижел Букур (64).