Криштиану Роналду Осиё чемпионлар лигасидаги навбатдаги ўйинни ўтказиб юборади.

Осиё чемпионлар лигаси гуруҳ босқичининг 6-турида “Ан-Наср” – “Истиқлол” учрашуви бўлиб ўтади. Учрашув Тожикистонда эртага, 5 декабрь куни бўлиб ўтади ва Тошкент вақти билан соат 21:00да бошланади.

Роналду ушбу ўйинда жамоасининг қайдномасига киритилмади ва Душанбега учиб кетмади. “Варзиш” телеканали хабарига кўра, португалиялик футболчи “Персеполис” билан ўйинда (0:0) олган жароҳатидан тўлиқ фориғ бўлмаган ва шу сабабли Саудия клуби раҳбарияти футболчига дам олиш учун вақт берган.

“Ан-Наср” 5 турдан кейин 13 очко жамғариб, Осиё чемпионлар лигасининг плей-офф босқичига йўлланмани кафолатлаб бўлганди. “Истиқлол” 2 очко билан гуруҳда сўнгги ўринни эгаллаб турибди.