Four Four Two журнали қизиқарли рейтингларни нашр этишда давом этмоқда. Бу сафар мутахассислар Ла Лиганинг 2000 йилларнинг энг яхши футболчилари ҳақидаги ўз версиясини кўрсатишди.
Ушбу рейтингнинг биринчи қаторида «Барселона»да порлаган Роналдиньо турибди. Иккинчи ўринни Лионель Месси эгаллади. Кучли учликни Хави якунлайди.
Кучли ўнталикка, шунингдек, Рауль Гонсалес, Зинедин Зидан, Андрес Иньеста, Самуэль Это'О, Роберто Карлос, Дани Алвес ва Роналдо кирди.
Криштиану Роналду рейтингга киритилмади, чунки 2000 йилларда у деярли Ла Лигада ўйнамаганди. Португалиялик футболчи 2009 йилда «Реал» сафига қўшилган эди.
