"Тоттенхэм" футболчиси Жеймс Мэддисон тикланиш жараёни ҳақида гапирди.
27 ёшли ярим ҳимоячи мавсум бошида "шпорлар"нинг асосий ўйинчиси бўлган. Ноябрь ойи бошида "Челси"га қарши ўйинда англиялик футболчи тўпиғидан жароҳат олганди. Мэддисоннинг сафга қайтишининг аниқ санаси ҳозирча номаълум.
“Қайта тикланиш яхши кетмоқда, лекин биз хоҳлаганимиздан секинроқ. Албатта, бу умидсизлик, чунки сиз айтганингиздек, мавсумни ажойиб бошладим.
Жароҳат олиш қанчалик қийинлигини ҳамма билади. Айниқса, “Тоттенхэм”да бу жуда қийин, чунки физиотерапия хонаси машғулот майдонига қарайдиган катта деразага эга ва мен ҳар куни ўйинларга тайёргарлик кўраётган йигитларни кўраман”, деди Мэддисон.