АҚШнинг "Атланта" жамоаси ярим ҳимоячиси Тьяго Альмада тезда Европа клубларидан бирига ўтиш нияти борлигини маълум қилди.
22 ёшли футболчи Аргентина терма жамоасида ўйнаш тажрибасига эга: у Лионель Скалони жамоасида тўрт марта ўйнаган, шу жумладан Аргентина терма жамоаси учун 2022 йилги жаҳон чемпионатида бир марта майдонга тушган.
“Мен ҳозир Европага кўчиб ўтмоқчиман. Ҳа, яқинлашиб келаётган трансфер ойнасида.
Мен исталган топ-лигага киришни хоҳлардим, лекин агар танлашга тўғри келса, мен учун Премьер-лига ва Ла Лига энг афзалроқ вариант бўлиб кўринади", - дея Альмаданинг сўзларини келтиради Фабрицио Романо.
