"Тоттенхэм" ярим ҳимоячиси Жеймс Мэддисон Сон Хён Миннинг ҳислатлари ҳақида гапирди.
Жанубий кореялик ҳужумчи "шпорлар"нинг жорий мавсумдаги тўпурарлари рўйхатини 9та гол билан бошқармоқда, жароҳатидан даволанишда давом этаётган инглиз ҳужумкор ярим ҳимоячиси эса бешта голли узатма билан голли паслар бўйича етакчилик қилмоқда.
“Сон - ажойиб ўйинчи ва одамлар уни тинглашга тайёр. Биз билан машғулот ўтаётган ёш йигитлар у нимадир деса, доим тинглашади. У кучли шахсият ва ўзига хос аурага эга - энг муҳим дақиқаларда жамоани очиб, фойда келтира оладиган буюк футболчининг аураси", - дея Мэддисоннинг сўзларини келтиради The Spurs Express нашри.