"Фенербахче" чап қанот ҳимоячиси Ферди Кадиоғлуга "Бавария" қизиқиш билдиришда давом этмоқда.

24 ёшли футболчига нафақат мюнхенликлар, балки илгари хабар қилинганидек, Дортмунднинг "Боруссия"си ҳам даъвогарлик қилмоқда. Инсайдер Флориан Плеттенбергнинг янгиланган маълумотларига кўра, Кадиоглунинг январдаги трансфери харидорларга тахминан 20 миллион еврога тушиши мумкин. "Бавария" ҳамон бу вариантни кўриб чиқмоқда, аммо ҳозирча клуб туркни оптимал вариант деб ҳисобламайди.

Transfermarkt экспертлари Ферди Кадиоглунинг нархини 17 миллион еврога баҳоламоқда. Жорий мавсумда футболчи “Фенербахче” сафида 20 та ўйин ўтказиб, 1 та гол ва 3 та голли узатмага муаллифлик қилган.