"Fenerbaxche" chap qanot himoyachisi Ferdi Kadiog‘luga "Bavariya" qiziqish bildirishda davom etmoqda.
24 yoshli futbolchiga nafaqat myunxenliklar, balki ilgari xabar qilinganidek, Dortmundning "Borussiya"si ham da’vogarlik qilmoqda. Insayder Florian Plettenbergning yangilangan ma’lumotlariga ko‘ra, Kadiogluning yanvardagi transferi xaridorlarga taxminan 20 million yevroga tushishi mumkin. "Bavariya" hamon bu variantni ko‘rib chiqmoqda, ammo hozircha klub turkni optimal variant deb hisoblamaydi.
Transfermarkt ekspertlari Ferdi Kadiogluning narxini 17 million yevroga baholamoqda. Joriy mavsumda futbolchi “Fenerbaxche” safida 20 ta o‘yin o‘tkazib, 1 ta gol va 3 ta golli uzatmaga mualliflik qilgan.
