Лондоннинг "Арсенал" клуби бош мураббийи Микель Артета январь ойида ҳозирги таркибдан бирорта ҳам футболчи жамоани тарк этмаслигига ваъда бера олмайди.

"Январь ойида барча футболчилар "Арсенал"да қолишига кафолат бера олмайман. Қолаверса, ҳозирги барча футболчилар кейинги 3 йилни клубда ўтказади деб айта олмайман", - дея Артета сўзларини келтиради журналист Фабрицио Романо.

Эслатиб ўтамиз, “Арсенал” ҳозирда Англия Премьер-лигаси турнир жадвалида энг яқин таъқибчиси “Ливерпул”дан икки очко олдинда бормоқда.