Londonning "Arsenal" klubi bosh murabbiyi Mikel Arteta yanvar oyida hozirgi tarkibdan birorta ham futbolchi jamoani tark etmasligiga va’da bera olmaydi.
"Yanvar oyida barcha futbolchilar "Arsenal"da qolishiga kafolat bera olmayman. Qolaversa, hozirgi barcha futbolchilar keyingi 3 yilni klubda o‘tkazadi deb ayta olmayman", - deya Arteta so‘zlarini keltiradi jurnalist Fabrisio Romano.
Eslatib o‘tamiz, “Arsenal” hozirda Angliya Premyer-ligasi turnir jadvalida eng yaqin ta’qibchisi “Liverpul”dan ikki ochko oldinda bormoqda.
