Португалиялик ҳужумчи Жоау Феликс келгусидаги режалари ҳақида бир қарорга келди. AS журналистларининг ёзишича, форвард ижара асосида ўйнаётган "Барселона"да қолмоқчи. Футболчининг тўлиқ шартномаси "Атлетико Мадрид"га тегишли.
Шу билан бирга, жамоа раҳбарияти Феликсни сотиб олишга шошилмаяпти. Клуб бошлиқлари мавсум охирида ўз қарорларини қабул қилишади.
Испания чемпионатининг жорий мавсумида 24 ёшли форвард “Барселона” сафида 12 та ўйинда майдонга тушди. Феликс иккита гол урди ва иккита голли узатмани амалга оширди.
