"Манчестер Юнайтед" раҳбарияти расмий баёнот бериб, тўрт нафар журналистга нисбатан санкциялар қўлланилишини эълон қилди.

Клубнинг қора рўйхатига ESPN журналисти Роб Доусон, Manchester Evening News мухбири Самуэль Лакхёрст, Sky Sports журналисти Каве Солекол ва Daily Mirror нашри мухбири Давид Макдонелл киритилган.

Бундан буён барча рўйхатдаги журналистларга "Манчестер Юнайтед" бош мураббийи Эрик тен Хагнинг матбуот анжуманларида қатнашиш тақиқланади. Санкцияга сабаб - "Манчестер Юнайтед" матбуот хизмати билан олдиндан боғланмасдан, клуб учун ёқимсиз хабарлар чоп этилган. "Манкунианликлар" янгиликларни шарҳлаш, контекстуаллаштириш ёки рад этиш имкониятига эга бўлишни хоҳлайди.