«Барселона» ҳужумчиси Роберт Левандовски келаси ёзда клубини ўзгартириши мумкин.
Mundo Deportivo хабарига кўра, 35 ёшли футболчига «Барселона» ва «ПСЖ»нинг собиқ футболчиси Неймар тўп тепаётган Саудия Арабистонининг «Ал-Ҳилол» клуби қизиқиш билдирмоқда.
Каталония клуби Левандовскини сотиш ҳақида ўйлаши мумкинлиги ҳақида аввалроқ хабар берилганди.
Бу қарор «кўк-анорранглилар»га польшалик форварднинг маошини сезиларли даражада тежашга ёрдам беради.
Жорий мавсумда Левандовски барча турнирларни ҳисобга олган ҳолда 17 учрашувда майдонга тушиб, саккизта гол урди ва тўртта голли узатмани амалга оширди.
