"Арсенал"нинг ўнг қанот ҳимоячиси Такэхиро Томиясу жароҳати туфайли майдонга туша олмайди.

Япониялик футболчи "Вулверхэмптон"га қарши ўйинда жароҳат олган, шу сабаб сешанба оқшомида бўлиб ўтган "Лутон Таун" билан учрашувни ўтказиб юборишга мажбур бўлган. Ўйиндан сўнг, "канонирлар" бош мураббийи Микель Артета Томиясунинг ҳолати ҳақида маълумот берди.

“Биз текширувдан ўтдик ва афсуски, янгиликлар унчалик яхши эмас. У болдиридан жарохат олди, бу эса уни бир мунча вақт майдонга туша олмаслигига сабаб бўлади”, - деди Артета.

Томиясу жорий мавсумда “Арсенал” сафида 19 та ўйинда қатнашиб, 1 та гол ва 3 та голли узатмага муаллифлик қилган.