"Arsenal"ning o‘ng qanot himoyachisi Takexiro Tomiyasu jarohati tufayli maydonga tusha olmaydi.

Yaponiyalik futbolchi "Vulverxempton"ga qarshi o‘yinda jarohat olgan, shu sabab seshanba oqshomida bo‘lib o‘tgan "Luton Taun" bilan uchrashuvni o‘tkazib yuborishga majbur bo‘lgan. O‘yindan so‘ng, "kanonirlar" bosh murabbiyi Mikel Arteta Tomiyasuning holati haqida ma’lumot berdi.

“Biz tekshiruvdan o‘tdik va afsuski, yangiliklar unchalik yaxshi emas. U boldiridan jaroxat oldi, bu esa uni bir muncha vaqt maydonga tusha olmasligiga sabab bo‘ladi”, - dedi Arteta.

Tomiyasu joriy mavsumda “Arsenal” safida 19 ta o‘yinda qatnashib, 1 ta gol va 3 ta golli uzatmaga mualliflik qilgan.