Мадриднинг “Реал” клуби дарвозабони Тибо Куртуа Бельгия терма жамоаси сафида Европа чемпионати ўйинларида иштирок этмайди.

31 ёшли футболчи жорий мавсум бошланишидан олдин хочсимон боғлами йиртилганлиги сабабли сафдан чиққан ва 2024 йилнинг баҳорида сафга қайтиши режалаштирилган. "Marca" хабарига кўра, Куртуа "Реал Мадрид"га Бельгия терма жамоаси билан Еврога бормаслиги ҳақида аллақачон маълум қилган. Турнир июнь ойида бошланади, аммо дарвозабон оптимал формага киргунига қадар Мадридда қолиш ниятида.

Бельгия терма жамоаси гуруҳ босқичида Словакия ва Руминия терма жамоалари билан баҳс олиб боради. Квартетнинг тўртинчи аъзоси плей-офф ўйинлари натижаларига кўра аниқланади.