Madridning “Real” klubi darvozaboni Tibo Kurtua Belgiya terma jamoasi safida Yevropa chempionati o‘yinlarida ishtirok etmaydi.

31 yoshli futbolchi joriy mavsum boshlanishidan oldin xochsimon bog‘lami yirtilganligi sababli safdan chiqqan va 2024 yilning bahorida safga qaytishi rejalashtirilgan. "Marca" xabariga ko‘ra, Kurtua "Real Madrid"ga Belgiya terma jamoasi bilan Yevroga bormasligi haqida allaqachon ma’lum qilgan. Turnir iyun oyida boshlanadi, ammo darvozabon optimal formaga kirguniga qadar Madridda qolish niyatida.

Belgiya terma jamoasi guruh bosqichida Slovakiya va Ruminiya terma jamoalari bilan bahs olib boradi. Kvartetning to‘rtinchi a’zosi pley-off o‘yinlari natijalariga ko‘ra aniqlanadi.