Каталониянинг “Барселона” клуби ҳимоячиси Рональд Араухо жамоасининг “Атлетико”га қарши сўнгги ўйинида кичик жароҳат олди. Бу учрашув Хави Эрнандес жамоасининг 1:0 ҳисобидаги минимал ғалабаси билан якунланди.
Журналист Тони Хуанмарти жароҳат олганига қарамай, тиббиёт ходимлари Араухонинг 10 декабрь куни бўлиб ўтадиган чемпионат доирасидаги “Жирона”га қарши навбатдаги ўйинда иштирок этишига ишонишини маълум қилди.
Эслатиб ўтамиз, Араухо жорий мавсум Испания Ла Лигасида 9та ўйин ўтказиб, битта гол урган. Уругвайлик футболчи Испаниядаги бешинчи мавсумини "Барселона"нинг асосий жамоасида ўтказмоқда.
