Ферран Торрес яқин орада "Барселона"ни тарк этиш ҳақида ўйламоқда.
AS хабарига кўра, Ферраннинг агентлари Хавининг "Барселона" мураббийлар штаби билан муносабатларини бузган. Бундан ташқари, футболчининг атрофидагиларнинг фикрича, 2022 йилнинг қишида Торресни сотиб олмоқчи бўлган спорт директори Матеу Алеманининг кетиши билан вингер Каталония клубида қўллаб-қувватловни йўқотди.
Қайд этилишича, вазиятга январь ойида жамоага келиб қўшиладиган Витор Рокенинг ҳам шартнома имзолагани таъсир кўрсатган. Яхшиланган натижаларга қарамай, Торрес "Барселона"да курашмоқчи эмас ва ўз хоҳиши билан клубни тарк этишни афзал кўради.
Футболчининг "Барселона" билан шартномаси 2027 йилгача мўлжалланган.
Жорий мавсумда Ферран Ла Лиганинг 14 та учрашувида 3 та гол урди.
