Бразилия чемпионати олий дивизионидан тушиб кетганидан кейин "Сантос" мухлислари жамоа ҳужумчиси Стивен Мендосанинг машинасига ўт қўйди, деб ёзади O Globo нашри.
Қайд этилишича, бу факт футболчига нисбатан норозилик эмас. Нашр шунингдек, стадион яқинида бир нечта автомобиль ва автобуслар ёниб кетгани ҳақида хабар беради. Хавфсизликни кучайтириш учун вертолётлар ва ҳарбий полиция жалб қилинган.
Пайшанба оқшомида “Сантос” Бразилия чемпионатининг сўнгги турида ўз майдонида “Форталеза”га имкониятни бой берди (1:2) ва турнир жадвалида 17-ўринни эгаллади.
“Сантос” илк бор Бразилия чемпионати олий дивизионини тарк этди.
