"Ювентус" бош мураббийи Массимилиано Аллегри "Наполи"га қарши бўлиб ўтадиган Италия чемпионати ўйини ҳақида ўз фикрлари билан ўртоқлашди.
“Биз учун энг муҳими аниқ мақсадларга эга бўлиш. Эртага жуда қийин ўйин бўлади, "Наполи" сафарда жуда хавфли, сўнгги етти учрашувда эса биз уларга қарши фақат бир марта ғалаба қозонганмиз", - деди Аллегри Турин клуби матбуот хизматига.
Эртага, 8 декабрь куни А Сериянинг 15-туридан ўрин олган "Ювентус" - "Наполи" учрашуви бўлиб ўтади.
Эслатиб ўтамиз, ўйин олдидан туринликлар Италия чемпионати турнир жадвалида иккинчи, неаполликлар эса бешинчи ўринни эгаллаб турганди.
