"Ливерпуль" бош мураббийи Юрген Клопп бир неча бор тақвим юзасидан шикоят қилган. Шундай бўладики, "қизиллар" тез-тез шанба куни эрта ўйинга киришади ва маҳаллий вақт билан 12:30 да бошланади. Келаётган шанба куни "Ливерпуль" яна шундай вақтда - "Кристал Пэлас"га қарши ўйнайди. "Шеффилд Юнайтед"га қарши ўйиндан сўнг Amazon Prime журналисти шу мавзуда ҳазиллашишга қарор қилди.
- Кейинги ўйин сиз ёқтирган вақтда бошланади..." - деди журналист.
- Бу ҳақда ҳазил қилиш жуда жасорат. Бугун эрталаб соат бир ёки иккиларда уйга қайтамиз ва тез орада яна ўйнаймиз. Биз фақат иккита машғулот ўтказамиз. Аммо бугун "Кристал Пэлас" ҳам ўйнади, шунинг учун ҳаммаси жойида. Сиз футболда ишлайсиз, нега буларнинг барчасини яна бир бор тушунтиришим керак? Бундан ҳазил қилмоқчи бўлсангиз, сиз тарбиясизсиз.
- Мен ҳурматсизлик қилмоқчи эмасдим...
- Сиз қилиб бўлдингиз. Ҳаммаси яхши. Сиз хоҳлаганингизни айта оласиз, лекин мен хоҳлаганимни айта олмайман" - деб жавоб қайтарди Клопп.