Мадриднинг «Реал» клуби ҳужумчиси Родриго «Сантос» клубининг омадсизлиги ҳақида гапирди.

Эслатиб ўтамиз, Бразилиянинг машҳур клуби ўз тарихида биринчи марта олий дивизиондан тушиб кетди ва 2023 йилги мавсум якунида 17-ўринни эгаллади.

«Ҳар қандай вазиятда, ҳатто бутун стадион жим бўлса ҳам «Сантос» билан бирга бўламан. «Сантос» ҳар доим менинг қалбимда бўлади, йўл қанчалик қийин ва узоқ бўлмасин, шундай бўлади» - деди 22 ёшли «Реал» форварди.

Родригонинг профессионал фаолияти айнан «Сантос»да бошланган. 2019 йилда футболчи «Реал»га 45 миллион еврога сотилган эди.