Madridning «Real» klubi hujumchisi Rodrigo «Santos» klubining omadsizligi haqida gapirdi.
Eslatib o‘tamiz, Braziliyaning mashhur klubi o‘z tarixida birinchi marta oliy diviziondan tushib ketdi va 2023 yilgi mavsum yakunida 17-o‘rinni egalladi.
«Har qanday vaziyatda, hatto butun stadion jim bo‘lsa ham «Santos» bilan birga bo‘laman. «Santos» har doim mening qalbimda bo‘ladi, yo‘l qanchalik qiyin va uzoq bo‘lmasin, shunday bo‘ladi» - dedi 22 yoshli «Real» forvardi.
Rodrigoning professional faoliyati aynan «Santos»da boshlangan. 2019 yilda futbolchi «Real»ga 45 million yevroga sotilgan edi.
