Аргентина терма жамоаси бош мураббийи Лионель Скалони Лионель Месси билан муносабатлари ҳақида гапирди.
Олдинроқ матбуотда Скалони ва Месси ўртасидаги муносабатлар ёмонлашгани ҳақида маълумот пайдо бўлганди - мураббий Бразилияга қарши ўйин олдидан трибунадаги нотинчликлар туфайли футболчи жамоани майдондан ташқарига олиб чиққанида у билан маслаҳатлашмаганидан норози бўлганди.
"Мен Месси билан Бразилия ўйинидан кейин гаплашдим. У жамоа сардори, мен у билан аъло даражада муносабатдаман", - деди Скалони Goal билан суҳбатда.
Эслатиб ўтамиз, Аргентина терма жамоаси ўтган йили жаҳон чемпиони бўлганди.
