Британиянинг "FourFourTwo" жаҳоннинг турли лигаларида кутилмаган чемпионликни қўлга киритган клублар рейтингини эълон қилди.

Рейтингдан 32 жамоа ўрин олди. «Верона» клуби мавсум-1984/1985 чемпионликни қўлга киритгани энг кутилмаган воқеа сифатида тан олинди. «Лестер»нинг мавсум-2015/2026даги чемпионлиги эса иккинчи поғонага жойлаштирилди. «Монпелье» клуби 2011/12 йилги мавсумда Франция чемпионлигини қўлга киритиши кучли учликка киритилди.

Рейтингда кутилмаган бир чемпионлик бор. «Алания» клуби 1995 йилда Россия чемпионлигини қўлга киритиши рейтингда 15-поғонага жойлаштирилди. Ушбу жамоа сафида Миржалол Қосимов тўп тепган ва у мавсумнинг энг яхши ярим ҳимоячиларидан бири бўлган.

Топ-10 рейтинг қуйидаги кўринишда бўлди:

10. «Наполи»-1986/87 (Италия);
09. «Риека»-2016/17 (Хорватия);
08. «Твенте»-2009/10 (Нидерландия);
07. «Депортиво»-1999/2000 (Испания);
06. «Лариса»-1987/88 (Греция);
05. «Боавишта»-2000/01 (Португалия);
04. «Кайзерслаутерн»-1997/98 (Германия);
03. «Монпелье»-2011/12 (Франция);
02. «Лестер»-2015/16 (Англия);
01. «Верона»-1984/85 (Италия).