Мюнхеннинг «Бавария» клуби ёзда «Малага» яримҳимоячиси Искони сотиб олиши мумкин. Бу ҳақда «Marca» нашри хабар тарқатди.
Футболчини жамоанинг янги бош мураббийи сифатида иш бошлайдиган Хосеп Гвардиола таклиф қилган. Исконинг «Малага» билан тузган шартномасига кўра, уни қўйиб юбориш суммаси 21 миллион евро деб кўрсатилган.
Қайд этиб ўтиш жоиз, Иско 2012 йилда 21 ёшгача футболчилар учун бериладиган «Golden Boy» совринини қўлга киритганди.