"Тоттенхэм" бош мураббийи Анге Постекоглу Ришарлисоннинг аҳволи ҳақида ўз фикрлари билан ўртоқлашди.
Бразилиялик ҳужумчи ноябрь ойи бошида сафдан чиққан эди. Футболчи операция қилинди ва шу ойда майдонга қайтишга муваффақ бўлди.
“Ришарлисоннинг қайтгани ажойиб. Айтиш жоизки, ҳозир у мавсум бошидагига қараганда анча эркин кўринмоқда ва жисмоний жиҳатдан ўзини яхши ҳис қилмоқда. Тиббий аралашув унга катта ёрдам бергандек туюлди. У ҳали ҳам ўйин ҳолатига тушиши керак, лекин охирги икки ўйинда майдонга туша олгани жуда ёқимли. У бошқа барча ўйинчилар каби бизга фойдали бўлади", - дея Постекоглу сўзларини келтиради The Spurs Express.
