"Tottenxem" bosh murabbiyi Ange Postekoglu Risharlisonning ahvoli haqida o‘z fikrlari bilan o‘rtoqlashdi.

Braziliyalik hujumchi noyabr oyi boshida safdan chiqqan edi. Futbolchi operasiya qilindi va shu oyda maydonga qaytishga muvaffaq bo‘ldi.

“Risharlisonning qaytgani ajoyib. Aytish joizki, hozir u mavsum boshidagiga qaraganda ancha erkin ko‘rinmoqda va jismoniy jihatdan o‘zini yaxshi his qilmoqda. Tibbiy aralashuv unga katta yordam bergandek tuyuldi. U hali ham o‘yin holatiga tushishi kerak, lekin oxirgi ikki o‘yinda maydonga tusha olgani juda yoqimli. U boshqa barcha o‘yinchilar kabi bizga foydali bo‘ladi", - deya Postekoglu so‘zlarini keltiradi The Spurs Express.