Италияда А Серия чемпионатининг ўн бешинчи туридан ўрин олган учрашувлар бошланди, «Ювентус» «Наполи»ни минимал устунлик билан мағлуб этди - 1:0.
Учрашувдаги ягона гол Турин клуби ҳимоячиси Федерико Гатти томонидан киритилди. Унинг муваффақиятини ҳимоядаги ҳамкасби бразилиялик Данило қайд этди.
«Федерико барчамизга ўрнак бўлиб, камтарин меҳнат қиладиган йигит. У кучли, чидамли, бугун яна бир бор «Ювентус»га содиқлигини кўрсатди ва биз уч очкони қўлга киритдик, бу эса руҳиятни ошириш учун жуда муҳим», - деди Данило.
