"Манчестер Юнайтед" бош мураббийи Эрик тен Хаг "Борнмут"дан учралган йирик мағлубиятдан сўнг мухлисларнинг ҳуштакбозликларига изоҳ берди.
"Олд Траффорд"да бўлиб ўтган Англия премер-лигасининг 16-тур учрашуви меҳмонларнинг 3:0 ҳисобидаги ғалабаси билан якунланди.
“Албатта, мухлисларнинг ҳафсаласи пир бўлди. Мен уларни тушунаман. Бизнинг ҳам ҳафсаламиз пир бўлди, яхшироқ ўйнашимиз керак. Мен тўлиқ жавобгарликни ўз зиммамга олишим керак. Бизда барча керакли сифатлар бор, аммо барқарорлик йўқ", - дея нидерландиялик мутахассиснинг сўзларини келтиради Daily Express.
