"Манчестер Юнайтед" бош мураббийи Эрик тен Хагнинг фикрича, унинг жамоаси ҳозирда барқарор ўйин кўрсата олмайди. Эслатиб ўтамиз, ҳафта ўртасида манкунианликлар “Челси”ни 2:1 ҳисобида мағлуб этган бўлса, шанба куни “Борнмут”га 0:3 ҳисобида имкониятни бой берганди.

“Ҳозир биз барқарор бўлиш учун етарли эмасмиз. Вазиятни яхшилаш учун ҳаракат қилишимиз керак. Агар сиз ушбу чемпионатда юқори савияда ўйнамасангиз, шунчаки ўласиз", - деди тен Хаг матбуот анжуманида.

Агар бугун "Ньюкасл" "Тоттенхэм"ни мағлуб этса, "Манчестер Юнайтед" турнир жадвалида 7-ўринга тушиб кетади.