Россия терма жамоаси мабодо Ҳамдўстлик кубогида муваффақиятсизликка учраса, танқид учун асос бўлмайди деб ҳисоблайди Россияда хизмат кўрсатган мураббий Ринат Билялетдинов. Мезбонлар дастлабки ўйинда Ўзбекистон билан куч синашишди ва 2:2 ҳисобидаги дурангга имзо чекишди.

Табиийки, натижа ҳар доим талаб қилинади. Ғалаба бўлган иштиёқсиз, мусобақа ўз мазмунини йўқотади. Аммо ҳозир натижага таяниш керак эмас. Жамоанинг натижалари камтар бўлганида, натажага эриши талаб қилинади. Аммо барча нарсага тўғри ёндашиш керак. Масалан, Ўзбекистон жипслашган жамоа ҳисобланади. Шунинг учун муваффақиятга эришиш осон бўлмайди. Албатта, жамоамиз ютишини истаймиз. Бироқ улар қайсидир босқичда қоқилишса, бу танқид учун асос бўлиши керак эмас. Боиси, бу машғулот мусобақаси ҳисобланади. Ҳа, мусобақанинг нуфузи юқори, аммо бу жамоанинг асосий мақсади келажакдаги мусобақаларга қаратилган", дейди Билялетдинов.

Собиқ локомотивчининг фикрича, Ҳамдўстлик кубоги фойдали мусобақа, аммо Россия учун бирламчи вазифа футболчиларни синовдан ўтказишдан иборат.

"Бу жамоа энди шаклланяпти, у келажак жамоаси. Мен мусобақада иштирокни яна селекция мақсадида ўтказилаётган турнир деб атаган бўлардим. Бу ўйинлар орқали футболчилар бир-бирлари билан қандай ўйнаётганини кўздан кечириш лозим. Терма жамоамиз ўйиндан ўйинга кучайиб боради. Умуман олганда, Ҳамдўстлик кубоги — фойдали турнир", дейди мутахассис.