Маурисио Почеттино «Челси»нинг мағлубияти сабабларини айтиб ўтди.
Лондонликлар АПЛнинг 16-турида «Эвертон»га (0:2) меҳмонда имкониятни бой беришди. «Кўклар» сўнгги 4 учрашувда 3 марта мағлубиятга учради.
«Футбол гол уришдан иборат, бироқ бугун биз ундан анча йироқда эдик. Мен жуда хафаман. Биз ўзимизга муносиб очко ололмадик. Менимча, биз яхшироқ ўйнагандик, лекин биз хоҳлаган нарсамизга эриша олмадик.
Бу ғалаба қозонилиши шарт бўлган ўйин эди. Биз бу муаммони тўғрилаб, ҳақиқатни таҳлил қилишимиз керак. Шунингдек, бафуржа гаплашиб олиб, трансфер бозоридаги вазиятни яхшилашга ҳаракат қилишимиз керак.
Рис Жеймс жароҳат олдими? У пайларида ноқулайлик ҳис қилди. У яна жароҳат олишини ёмон кўради. У муҳим футболчи», - деди «Челси» бош мураббийи Почеттино.
