"Астон Вилла" жорий Премьер-лигада ажойиб натижалар кўрсатмоқда.

Унаи Эмери шогирдлари ўз рекордини янгилади ва ўз уйидаги ғалабали сериясини 15 та ўйинга етказди. Охирги икки ҳолатда чемпионлик учун даъвогарлар таслим қилинди - "Манчестер Сити" ва "Арсенал" Бирмингемдан минимал ҳисобда мағлуб бўлди. Squawka хабарига кўра, Opta таҳлилий тизими "Астон Вилла"нинг мавсумни Чемпионлар лигаси зонасида якунлаш имкониятини юқори баҳолайди - 73%.

16-турдан сўнг “Вилла” 35 очко билан “Ливерпуль” (37) ва “Арсенал” (36)дан кейин учинчи ўринда бормоқда. “Манчестер Сити” (33) ва “Тоттенхэм” (30) ортда қолишмоқда.