"Aston Villa" joriy Premyer-ligada ajoyib natijalar ko‘rsatmoqda.

Unai Emeri shogirdlari o‘z rekordini yangiladi va o‘z uyidagi g‘alabali seriyasini 15 ta o‘yinga yetkazdi. Oxirgi ikki holatda chempionlik uchun da’vogarlar taslim qilindi - "Manchester Siti" va "Arsenal" Birmingemdan minimal hisobda mag‘lub bo‘ldi. Squawka xabariga ko‘ra, Opta tahliliy tizimi "Aston Villa"ning mavsumni Chempionlar ligasi zonasida yakunlash imkoniyatini yuqori baholaydi - 73%.

16-turdan so‘ng “Villa” 35 ochko bilan “Liverpul” (37) va “Arsenal” (36)dan keyin uchinchi o‘rinda bormoqda. “Manchester Siti” (33) va “Tottenxem” (30) ortda qolishmoqda.