"Манчестер Юнайтед" бош мураббийи Эрик тен Хагнинг фикрича, унинг жамоаси Чемпионлар лигаси гуруҳ босқичида "Бавария"га қарши биринчи ўйинда омадсиз бўлган. Эслатиб ўтамиз, мюнхенликлар “Альянц Арена”да "манкунианликлар" устидан 4:3 ҳисобида ғалаба қозонган эди.
"Бавария"га қарши биринчи ўйинда биз жуда яхши ўйнаган пайтларимиз бўлди. Узоқ вақт давомида ўйин тенглашди, аммо биз олдини олиш мумкин бўлган хатоларга йўл қўйдик. "Бавария"га ўхшаган жамоага қарши ўйнасанг, энг яхши формада бўлишинг керак. "Бавария"да ҳам ажойиб ўйинчилар бор, лекин биз улар устидан устунлик қилдик" - деди Тен Хаг матбуот анжуманида.
Эртага "Манчестер Юнайтед" ўз майдонида "Бавария"ни қабул қилади. Чемпионлар лигасининг плей-офф босқичига чиқиш учун инглизлар ғалаба қозонишлари керак, аммо “Копенгаген” ва “Галатасарой” дуранг ўйнамаса, ғалабанинг ўзи етарли бўлмайди.
