«Реал» бош мураббийи Карло Анчелотти Испания чемпионатида «Жирона»нинг «Барселона» устидан қозонилган ғалабаси ҳақидаги таассуротлари ҳақида гапирди.
«Мухлис сифатида гапиришим мумкин, бу жуда қизиқарли ўйин бўлди. Улар тактикасиз, очиқ футбол ўйнашди.
«Жирона» яхшироқ, муваффақиятлироқ эди. Мен эса шу ўринда тўхташим керак, бошқа жамоаларни танқид қила олмайман ёки ҳимоя қила олмайман. Ўйин менга ёқди, қизиқарли бўлди», - дея Анчелоттининг сўзларини келтиради Diario AS.
Ла Лиганинг 16-туридан ўрин олган «Барселона» – «Жирона» учрашуви 4:2 ҳисобида меҳмонларнинг ғалабаси билан якунланди.
