"Атлетико Мадрид" клубини сотиш жараёнини бошланди, дея хабар бермоқда La Sexta нашри.
"Атлетико" бош директори Мигель Анхель Хиль Марин клуб президенти Энрике Сересо билан биргаликда клубни сотиш жараёнини бошлаб юборди. Улар "Атлетико"нинг 65 фоиз акцияларига эгалик қилишади.
Манбага кўра, биринчи алоқалар аллақачон амалга оширилган. Мадрид клубини сотиб олиши мумкин бўлган америкалик бизнесмен, "Майами Долфинс" жамоаси эгаси Стивен Росс бор.
Айни дамда "Атлетико Мадрид" 34 очко билан Испания чемпионати турнир жадвалида тўртинчи ўринда бормоқда. Жамоа кейинги турда Бильбаонинг “Атлетик” жамоаси билан учрашади. Учрашув 16 декабрь куни бўлиб ўтади.
Чемпионлар лигасида жамоа ўз гуруҳида 11 очко билан турнир жадвалида пешқадамлик қилмоқда.
