«Реал Мадрид» марказий ҳимоячиси Антонио Рюдигер ярим ҳимоячи Жуд Беллингемнинг жамоадаги обрўси ҳақида гапирди.

Эслатиб ўтамиз, 20 ёшли англиялик ҳозирда 12 та гол билан Испания Ла Лигасининг энг яхши тўпурари бўлиб турибди. Ёзда қироллик клуби Беллингем учун Дортмунднинг «Боруссия» клубига 103 миллион евро тўлаган эди.

«Айни дамда Беллингем «Реал»да ажойиб обрўга эга. У билан гаплашганда, ўзингизни улғайган йигит билан гаплашаётгандек ҳис қиласиз.

Жуд худбин эмас. У фақат жамоага фойда келтирадиган нарсаларни қилади. Бу менга унинг энг ёқадиган жиҳати», - дея Рюдигернинг сўзларини келтиради DAZN.