Қозоғистон ёшлар терма жамоаси бугун вакилларимизга қарши ўйинни 3 нафар ҳужумчи билан бошлаганди. Бундан мақсад — тезкор гол уриб олиш ва қарши ҳужумда ҳаракат қилиш. Аммо қозоғистонликлар мураббийининг режаси амалга ошмади. Ҳужум чизиғида эса Роман Муртазаев ҳам асосий таркибда майдонга туширилди. Sports.kz сайтида ушбу футболчи билан интервью эълон қилинди.

"Қирғизистон билан ўйинда рақибимизга омад келмади. Акс ҳолда улар бир неча вазиятларда гол уришлари мумкин эди", дейди ҳужумчи.

"Бугун эса Ўзбекистон билан дуранг ўйнашимиз мумкин эди. Лекин буни эплай олмадик. Кейинги ўйинга руҳий жиҳатдан яхшироқ тайёргарлик кўрамиз. Игорь Пикалкиннинг майдонни тарк этгани, натижага таъсир кўрсатмадию, аммо у ўйинни жуда яхши ўтказди. Афсуски, жароҳат туфайли ўйинни эрта тарк этди. Умид қиламани, у Россияга қарши кечадиган ўйинда сафга қайта олади. Россия билан ўйинда ғалаба қозониш учун бор имкониятларимизни ишга соламиз. Буни эплай оламиз деган умиддаман", дейди Р.Муртазаев.