Испаниянинг «Хетафе» клуби Мэйсон Гринвуд учун ижара шартномасига фойдали бандни киритди. Журналист Гилермо Рай берган маълумотларга кўра, агар «Манчестер Юнайтед» футболчини бошқа жамоага сотса, «Хетафе» трансфер суммасининг 20 фоизини олади.
Эслатиб ўтамиз, «Манчестер Юнайтед» ёзда Гринвуддан воз кечган ва мухлислар босими остида футболчини «Хетафе»га ижарага беришга қарор қилган эди.
Мэйсон Испанияда яхши ўйнаган тақдирда ҳам, «Олд Траффорд» эшиги футболчи учун ёпиқ деб ҳисобланиши мумкин. Бу ҳақда бир қатор нуфузли манбалар хабар берган.
