"Милан" бош мураббийи Стефано Пиоли Рафаэль Леау "Ньюкасл"га қарши ўйинда майдонга тушишга тайёрлиги ҳақидаги маълумотни тасдиқлади.
Олдинроқ жароҳати сабаб бир ойдан ортиқ майдонга туша олмаган португалиялик юлдузнинг сафга қайтиши Италия ОАВлари томонидан эълон қилинган эди. Пиолининг фикрича, ҳужумчини ҳатто асосий таркибда ҳам кутиш мумкин.
“Леау? У яхши. У илк дақиқаларданоқ майдонга тушишга тайёр”, - деди “россонерилар” бош мураббийи матбуот анжуманида.