«Реал»нинг собиқ ҳужумчиси Чичарито ярим ҳимоячи Жуд Беллингемнинг жорий мавсумдаги ўйини ҳақидаги таассуротлари билан ўртоқлашди.

Эслатиб ўтамиз, мексикалик форвард 2014/15 йилги мавсумда «қироллик клуби»да «Манчестер Юнайтед»дан ижара асосида ўйнаган.

«Мени кўпроқ ҳайратда қолдирадиган нарса бу Беллингем қанча гол уриши. Ярим ҳимояда бунчалик ҳужумкор роль ўйнашини ҳеч ким кутмаганди.

Мадриддаги энг гўзал нарса - бу босим. Кўниксанг, яхши футболчи бўласан. Бу клубда сиз сайёрадаги энг зўрлардан бири эканлигингизни исботлашингиз керак.

Агар сизда босимга бардош берадиган характерингиз бўлмаса, у сизни бўғиб қўйиши мумкин», - дея Чичаритонинг сўзларини келтиради Madrid Zone.