«Real»ning sobiq hujumchisi Chicharito yarim himoyachi Jud Bellingemning joriy mavsumdagi o‘yini haqidagi taassurotlari bilan o‘rtoqlashdi.
Eslatib o‘tamiz, meksikalik forvard 2014/15 yilgi mavsumda «qirollik klubi»da «Manchester Yunayted»dan ijara asosida o‘ynagan.
«Meni ko‘proq hayratda qoldiradigan narsa bu Bellingem qancha gol urishi. Yarim himoyada bunchalik hujumkor rol o‘ynashini hech kim kutmagandi.
Madriddagi eng go‘zal narsa - bu bosim. Ko‘niksang, yaxshi futbolchi bo‘lasan. Bu klubda siz sayyoradagi eng zo‘rlardan biri ekanligingizni isbotlashingiz kerak.
Agar sizda bosimga bardosh beradigan xarakteringiz bo‘lmasa, u sizni bo‘g‘ib qo‘yishi mumkin», - deya Chicharitoning so‘zlarini keltiradi Madrid Zone.
