Россияликлар Ўзбекистон ёшлар терма жамоси таркибида Темур Ҳакимовни яхши билишади. Уни Мексикада ўтган ўсмирлар ўртасидаги жаҳон чемпионатида яхши эслаб қолишган. Ўтказилган иккита ўйинда Темур иккинчи бўлимда захирадан майдонга тушмоқда ва ўйинимизни кучайтирмоқда.

"Ўйин кескин курашларга бой бўлди. Одатда Ўзбекистон ва Қозоғистон жамоалари учрашганда ҳамиша шундай бўлади. Бу ўйин биз учун муҳим аҳамиятга эга эди. Шунинг учун ўйинга яхши тайёргарлик кўрдик, ғалаба қозонишни жуда ҳам истадик. Майдонга чиқдик, ўз ўйинимизни намойиш қилдик ва ғалаба қозондик", дейди Ҳакимов.

Темур БААда ўтказилган Осиё чемпионатининг илк ўйинларида ҳам захирадан майдонга тушиб, кейинчалик асосий таркиб ўйинчисига айланганди. Бу сафар ҳам шундай бўлмоқда.

"Иккита ўйиндан бери захирадан тушаётган бўлсам ҳам, мураббийнинг қарорини тўғри қабул қиламан ва мени қачон майдонга туширса, жамоага ёрдам беришга тайёрман", дейди футболчи.