“Лестер Сити” ҳужумчиси Жейми Варди ёзда фаолиятини Саудия Арабистонида давом эттириши мумкин.
Caught Offside нашри хабарига кўра, икки маҳаллий клуб инглиз футболчисини "Лестер" билан шартномаси тугагач, эркин агент сифатида ўз сафига таклиф қилмоқчи.
Манбага кўра, Вардига "Аш-Шабаб" ва "Ал-Қодисия" клублари қизиқиш билдирмоқда. Вардининг ўзи ҳали кейинги мавсумда фаолиятини қаерда давом эттиришини ҳал қилмаган.
Ушбу мавсумда Жейми чемпионатнинг 18 ўйинида 6 та гол урди ва битта голли узатмани амалга оширди. 36 ёшли ҳужумчи Энцо Марески жамоасида ҳар доим ҳам асосий таркибда майдонга тушавермайди.
