ФИФА 2023 йилнинг энг яхши мураббийи соврини учун сўнгги уч номзодни эълон қилди.
Пеп Гвардиола (“Манчестер Сити”), Симоне Индзаги (“Интер”) ва Лучано Спалетти (“Наполи”/Италия терма жамоаси) "The Best" соврини учун номзодлар рўйхатидан жой олди.
Анж Постекоглоу (“Селтик”/"Тоттенхэм") ва Хави (“Барселона”) кенгайтирилган рўйхатдан ўчирилди.
2022/23 йилги мавсумда Гвардиола “Манчестер Сити” билан Чемпионлар лигаси, Премьер-лига ва Англия кубогида ғолиб чиқди.
Индзаги Италия кубогида ғолиб чиқди ва “Интер”ни Чемпионлар лигаси финалига олиб чиқди.
Спалетти "Наполи" билан А Серия ғолиби бўлди, Италия чемпионатида мавсумнинг энг яхши мураббийи деб топилди ва жамоани Чемпионлар лигасининг чорак финалига олиб чиқди.
Ғолиб номи 15 январь куни бўлиб ўтадиган тақдирлаш маросимида эълон қилинади.
