"Ан-Наср" ҳужумчиси Криштиану Роналду Беларуснинг Strikerz ривожланиш студиясининг янги UFL футбол симуляторига сармоя киритди.
38 ёшли португалиялик инвесторлар гуруҳи билан биргаликда лойиҳага 40 миллион доллардан ортиқ сармоя киритган. Роналдунинг иштирокини Strikerz бош директори Евгений Нашилов тасдиқлади.
“Криштиану Роналдунинг бизга ҳамкор ва инвестор сифатида қўшилиши – олдинга ташланган муҳим қадам ва дунёдаги футбол мухлислари учун етакчи ўйин яратиш ҳақидаги тасаввуримизнинг тасдиғидир. UFL инновациялар, технология ва ўйин-кулгиларга содиқдир ва биз ўйин саноатида ўзгаришлар қилиш учун муҳим салоҳиятга эгамиз. Бу истакни Криштиану ҳам қўллаб-қувватлайди", - дея Нашилов сўзларини келтиради Businesswire.
Роналдунинг ўзи ҳам лойиҳанинг бир қисми бўлганидан жуда хурсанд эканлигини айтди, чунки UFL "футбол ўйинлари жанрида янги сифат стандартига айланиши мумкин".
